Share
சூரிய மண்டலத்திற்கு அருகிலுள்ள நட்சத்திரமொன்றை வலம் வரும் உயிர் வாழ்க்கைக்கு சாத்தியமான புதிய கோள் ஒன்றை விண்வெளி ஆராய்ச்சியாளர்கள் கண்டுபிடித்துள்ளனர்.
பூமியை விடவும் 3.2 மடங்கு பெரிதான மேற்படி கோள் எமது சூரிய மண்டலத்திலிருந்து 6 ஒளியாண்டுகள் தொலைவில் அமைந்துள்ள பேர்னார்ட் என்ற நட்சத்திரத்தை சுற்றி வலம் வருகிறது.
சூப்பர் பூமி என செல்லமாக அழைக்கப்படும் இந்த கற்பாறையாலான கோளில் உயிர் வாழ்க்கைக்கு அவசியமான நீர் மற்றும் காபனீரொட்சைட் என்பவற்றைக் கொண்ட வளிமண்டலம் காணப்படுவதாக தெரிவிக்கப்படுகிறது.
பேர்னார்ட் நட்சத்திரத்தின் பி கோள் என குறிப்பிடப்படும் இந்தக் கோளின் வளிமண்டல அடர்த்தி எமது பூமியின் வளிமண்டல அடர்த்தியை விடவும் மூன்று மடங்கு அதிகமாகும்.
மேலும் இந்தக் கோள் தனது தாய் நட்சத்திரத்தை வலம் வருவதற்கு 233 நாட்களை எடுத்துக் கொள்கின்றமை குறிப்பிடத்தக்கது.
கருத்துகள் இல்லை:
கருத்துரையிடுக